Një ngjarje e rëndë ka ndodhur në Karaburun. Një anije ka marrë flakë në det ndërkohë që gjashtë persona ishin brenda saj.
Ngjarja ka ndodhur në orët e para të mëngjesit të sotëm, e ndërkohë 6 personat brenda anijes janë hedhur në det për të shpëtuar jetën e tyre.
Mësohet se ata ishin pjestarë të ekuipazhit dhe se në momentin kur anija kishte marrë flakë, ata kishin qenë në gjumë.
Shkaku mendohet të jetë një shkëndijë elektrike në bordin e anijes turistike që përdoret për linjën Karaburun-Sazan.
Mjeti lundrues i “Aqua Marine” shërbente për vozitjen e turistëve nga moli i Vlorës për në Karaburun, por për fat të mirë nuk ka patur turistë në anije në momentin kur ka ndodhur ngjarja.
