Ka nisur një orë me vonëse çelja e fushatës për Partinë Demokratike në sheshin “Nënë Tereza”. Fillimisht është ekzekutuar “Himni i Flamurit” nga tenori Kastriot Tusha. Më pas hapjen e fjalimeve e ka bërë shkrimtarja Flutura Açka, e cila është candidate e PD për qarkun e Elbasanit. Gjatë fjalës së saj ajo ka thënë se nuk di të mbajë fjalime politike, por di të flasë me zemër, teksa është parë të përlotej.
“Unë jam Flutura Açka, shkrimtarja shqiptare. Të nderuar shqiptarë dhe demokratë, të nderuar kandidatë, i nderuar zoti Basha. Unë nuk di të mbaj fjalime politike, por di të flas me zemër. Edhe pse jam njeri i fjalës, nuk e kam të lehtë të ndaj emocionin, nis edhe më merret goja kur flas për gjëra shumë të dashura.
Një nga këto gjëra të dashura është edhe të jesh këtu sonte me një përgjegjësi të jashtëzakonshme. Do të ndreqim demokracinë. “Ose ndreqe demokracinë, ose shko në diktaturë”, kjo është alternativa e këtyre zgjedhjeve që kemi përpara.
Të fillojmë të ndreqim që sonte demokracinë e vërtetë, por këtë nuk e bëjmë dot vetëm, por me këtë armatë njerëzish, qofshin demokratë, apo pa parti. Unë do të ndjej turp të jem e pasur në një vend të varfër. Unë jam një grua e lirë”.
Po ashtu fjalën e ka marrë edhe aktori Neritan Liçaj e më pas futbollisti Andi Lila, ndërsa në podium është ngjitur edhe zëdhënësja e fushatës së PD, Floriana Garo.
https://www.facebook.com/partiademokratike/videos/468120384384428/
