Ditën e nesërme në vendin tonë do të mbahen zgjedhjet lokale, ku shumë institucione janë kthyer në qendra KZAZ-sh për të votuar.
Pjesa më e madhe e shkollave që do përdoren për votime nesër në Shkodër janë të kyçura.
Ditën e sotme, kur ka shkuar policia dhe përfaqësuesit e KZAZ-së, shkollat kanë qenë të mbyllura dhe nuk mund të vendosen materialet zgjedhore.
Janë mbyllur me zinxhirë pjesa më e madhe e shkollave e kopshteve në Shkodër, ndërkohë që nuk ka patur asnjë person të pranishëm për ti hapur.
Bashkitë e djathta nuk pranojnë që ambientet e tyre të përdoren si qendra votimi apo KZAZ, pasi thonë që dekreti i Presidentit i anuloi zgjedhjet e 30 qershorit.
Kujtojmë këtu se shumë të arrestuar ka pasur ditën e sotme në Dibër, kjo pas tensioneve të ndodhura për të hyrë në KZAZ dhe për të dëmtuar materialet e votimit. Sot ka qenë një ditë e heshtur nga politika, ku shumë masa janë marrë për ditën e nesërme, në rast të ndonjë konflikti nga simpatizantë të opozitës.
