Vaksinimi po shkon drejt detyrimit. Shumë institucione pritet të mbyllin dyert për personat e pavaksinuar, pasi synohet vaksinimi sa më i shpejtë i tufës. Sot, shkolla e Magjistraturës ka vënë kusht vaksinimin për studentët në këtë vit të ri akademik.
Në një njoftim në rrjetin social “Facebook”, ky institucion ka njoftuar studentët që duan ndjekin këtë shkollë, që të marrin masat e duhura dhe të vaksinohen. Kandidatëve u është kërkuar që të depozitojnë elektronikisht në sekretarinë mësimore vërtetimin zyrtar me qëllim që të jenë pjesëmarrës në auditorë, duke nisur nga data 4 tetor.
Njoftimi i Shkollës së Magjistraturës:
NJOFTIM PËR KANDIDATËT PËR MAGJISTRATË QË STUDIOJNË NË SHKOLLËN E MAGJISTRATURËS!
Njoftohen te gjithe kandidatet per magjistrate qe studiojne ne Shkollen e Magjistratures ne vitin akademik 2021-2022, (viti i pare dhe viti i dyte i studimit), qe per te siguruar mbarevajtjen e programit te trajnimit fillestar permes mesimit ne auditor, te marrin masat e nevojshme per te kryer vaksinat anti-Covid.
Cdo kandidat te depozitoje elektronikisht ne sekretarine mesimore vertetimin zyrtar me qellim qe te jene pjesemarres ne trajnimin ne auditor prej dates 4 Tetor 2021 e ne vijim.
Ju kujtojme qe muaji Gusht eshte i hapur per vaksinimin e te gjitha grupmoshave mbi 18 vjec”, shkruhej në njoftim.
