Moti i ftohtë vazhdon të lërë pas viktima. Ajet Zikollari, 53 vjeç ,nga fshati Selcë e Sipërme është viktima e 3 në qarkun e Korçës si pasojë e temperaturave të ulta.
Mësohet se Zikollari është nisur me gomarin e tij për të marrë ushqime për familjen në Proptisht dhe nuk është kthyer më.
Dje familjarët e alarmuar u vunë në kërkim të tij duke e gjetur të ngrirë. Bashkia e Pogradecit thotë se 53 vjeçari ka rënë nga gomari në përrua, dhe dyshohet të ketë humbur jetën nga të ftohtit.
Prej javësh fshatrat e qarkut të Korçës mbeten të izoluar duke mos pasur as kushtet minimale. Rasti i Zikollarit që mori rrugën për të ushqyer familjen e tij tregon dukshëm nevojën e fshatrave të izoluar për ushqime dhe ilaçe.
