Policia e Shkodrës ka vënë në pranga një 63-vjeçar dhe ka shpallur në kërkim dy persona të tjerë që akuzohen për përdorim kartëmonedhash të falsifikuara.
Shtetasi L. R. 63 vjeç, banues në Tiranë u arrestua në flagrancë nga Drejtoria Vendore e Policisë në mbështetje te Forcës Operacionale.
Arrestimi i tij u bë pas disa muajsh hetim të regjistruar në Prokurorinë pranë Gjykatës së Shkallës së Parë në Shkodër ku u bë e mundur gjetja e 46 kartëmonedhave “Euro” me prerje 100-she që dyshohen që janë të falsifikuara të cilat iu sekuestruan shtetasit për provë materiale.
Materialet i janë referuar Prokurorisë pranë Gjykatës së Shkallës së Parë Shkodër, për veprën penale “Falsifikimi i monedhave” parashikuar nga neni 183 i Kodit Penal.
Vijojnë hetimet për kapjen e personave të tjerë që janë të pëerfshirë në këtë aktivitet kriminal.
