Trafiku i armëve nga Shqipëria për të cilin është akuzuar edhe djali i ish-kryeministrit Berisha duket se nuk do të shkojë shumë në favor të këtij të fundit.
Gjykata e Floridës pikërisht është duke u marrë me këtë yshtje ku të përfshirë janë edhe dy djem amerikanë, Efraim Diveroli dhe shoku i tij dhe këtë e përshkruajnë si një aferë korruptive ku ishte e përfshirë mafia lokale shqiptare dhe djali i kryeministrit të Shqipërisë.
Në vendimin e saj gjykata përfshin edhe dëshminë e vajzës së të ndjerit Kosta Trebicka, e cila i tha autorit të librit “Armët dhe çunat”, Guy Lawson se ajo e konsideronte paditësin Shkëlzen Berisha, një të dyshuar në vdekjen misterioze të babait të saj.
Ajo i tha Laëson se babai i saj kishte thënë se u përjashtua nga marrëveshja e ripaketimit të AEY-së, sepse “biri i Berishës. . . e donte atë për vete. “
Një gjykatë në Florida ka hedhur poshtë pretendimet e Shkëlzen Berishës duke e pushuar kështu edhe padinë që ky i fundit ka ngritur ndaj autorit amerikan Guy Lawson, autor i librit për Gërdecin “Arms&the Dudes”.
Vendimi është marrë në Florida në dhjetor, por ai ka qenë “i arkivuar” në heshtje deri më 14 mars, vetëm një ditë para përkujtimit të vjetorit të ngjarjes së Gërdecit.
Në argumentet e saj, gjykata hedh poshtë pretendimet e Shkëlzen Berishës, se ai nuk është i përfshirë në këtë veprimtari, duke ju referuar fakteve dhe investigimeve të mediave më të rëndësishme botërore, si “Neë York Times”, dokumentari i Al Jazeera, shtypit lokal shqiptar dhe pasuron dhe më tej akuzat ndaj tij, duke ju referuar librit të Lawson, i cili ka dëshminë e vajzës së Kosta Trebickës, e cila e konsideron Shkëlzenin, një të dyshuar të mundshëm të vrasjes së babait të saj.
Gjykata ka përshkruar në vendimin e saj historinë e shkurtër të biznesit të trafikut të armëve nga Shqipëria, në të cilën ishte i përfshirë Shkëlzen Berisha, duke treguar historinë e dy djemve amerikanë, Efraim Diveroli dhe shokut të tij, të cilët, e përshkruajnë si një aferë korruptive ku ishte e përfshirë mafia lokale shqiptare dhe djali i kryeministrit të Shqipërisë.
Gjykata ka hedhur poshtë edhe padinë e Shkëlzen Berishës, bazuar në statusin publik të tij.
Sipas saj, për të përcaktuar nëse në një çështje bëhet fjalë për shpifje apo jo, atëherë duhet përcaktuar nëse paditësi është figurë publike apo jo, dhe nëse materiali shpifës është një çështje private apo publike.
Sipas saj, deklaratat e bëra në këtë rast kanë lidhje me shitjen e armëve dhe korrupsionin që prekte qeverinë shqiptare.
Duke bërë një analizë të gjatë, gjykata del në përfundimin se paditësi mund të konsiderohet si një figurë publike, duke qenë se ai është djali i ish- kryeministrit të vendit.
Por ajo vijon, duke thënë se figurat publike në mënyrë vullnetare e ekspozojnë veten ndaj deklaratave të pavërteta që mund të bëhen ndaj tyre.
