SPAK ka marrë sot zyrtarisht të pandehur ish-nënkryetari i Bashkisë së Kukësit Granit Gjanën, pasi e akuzon për veprën shkelje të barazisë në dy tendera të dhënë në këtë qark.
Mësohet se një nga tenderat ka të bëjë me një kallëzim të bërë më 22 maj të vitit 2023, nga Florian Cungu. Ky i fundit është administrator i shoqërisë që humbi tenderat me vlerë 21 milionë lekë, pasi Bashkia Kukës nuk i dha dokumentet.
SPAK deklaron se Granit Gjana e ka penguar garuesin “Ufo Cengu” sh.p.k, në mënyrë të padrejtë, duke mos lëshuar dokumentin bashkiak, mungesa e të cilit solli skualifikimin nga dy procedurat e tenderit të karburanti.
Dosja në ngarkim të Granit Gjanës do të shkoj në gjykatë ne senacë paraprake.
Do të jetë trupa gjykuese ajo e cila do të vendosë nëse do ta kaloj për gjykim, do ta pushojë apo do t’ia rikthejnë këtë çështje prokurorisë për hetime më të plota.
