Zbulohen detaje të reja nga operacioni ndërkombëtar që po zhvillohet në disa shtete përfshirë edhe Shqipërinë. Operacioni i përbashkët i koduar “Shpirti”, mes forcave të policisë e drejtësisë italiane e shqiptare, ka çuar në ekzekutimin e 38 urdhër arrestimesh për trafik ndërkombëtar droge, riciklim parash e korrupsion. Sipas News24 hetimet kanë nisur që në 2018 ku është kapur një ngarkesë me drogë dhe madje ka pasur edhe persona të arrestuar dhe 4 prej tyre janë bërë bashkëpunëtorë të drejtësisë dhe kanë dhënë detaje për antimafien italiane.
Nga hetuesit shqiptarë dhe ata italiane behet e ditur se është zbuluar një rrjet i drogës në të gjithë hallkat e zinxhirit të tij. Hetimet janë thelluar më tej edhe në pastrimin e parave.
Mjaft i rëndësishëm në hetimet e operacionit “Shpirti” ka qënë rrëfimi i katër të arrestuarve që kanë vendosur të bashkëpunojnë me drejtësinë.
Arrestimet janë kryer në Shqipëri, Mal i Zi, Spanjë e Itali. Operacioni ka çuar dhe në sekuestrimin e pasurive për disa miliona euro.
Arrestimet janë kryer nën urdhrin e bashkëpunimin e autoritetit shqiptar SPAK, Antimafian Italiane, Zyrën e koordinimit policor Interforze në Tiranë, Policinë Shqiptare e Eurjust.
Operacioni është rrjedhë e zhvillimeve hetimore të operacioneve “Shefi” e “Kulmi” ekzekutuar në 2018 e 2020 nga Drejtoria e Antimafias Italiane të Barit.
Operacioni zbardhi një rrjet kriminal kultivimi e trafikimi droge nga Shqipëria drejt brigjeve pugliese e akte kriminale si abuzim detyre, korrupsion e riciklim parash.
