Policia kroate ka shkatërruar një rrjet të trafikut të drogës, duke vënë në pranga 25 persona, dy prej të cilëve ishin shqiptarë.
Të arrestuarit tentuan të kalonin 130 kg lëndë narkotike drejt Italisë, shkruan “Shqiptarja.com”.
Mësohet se shqiptarët e arrestuar janë Reni Leka dhe Ernest Gjeka, përkatësisht 31 dhe 28 vjeç.
Shqiptarët arritën t’i shpëtonin operacionin të karabinierëve më 26 shkurt.
Siç raportojnë mediat italiane, në total janë vënë në hetim 36 persona, të cilët dyshohet se janë të përfshirë edhe në rrjetin, i cili u kap me 80 kg kanabis, më 20 mars të 2018-ës.
Gjithashtu Leka dhe Gjeka kanë lidhje me bandat napolitane, të cilat furnizonin sheshet në ishullin Elba.
