Policia spanjolle ka arrestuar pesë shqiptarë dhe një spanjoll, si anëtarë të një bande kriminale me qendër në Malaga dhe Granada, e cila ishte e dedikuar për mbledhjen e sasive të mëdha të hashashit dhe marihuanës, të cilat i dërgonin drejt Italisë me kamionë.
Ky grup ka transportuar hashash dhe marihuanë nga Spanja në Itali përmes kamionëve për një kohë të gjatë.
Gjatë operacionit janë kontrolluar tre shtëpi dhe një depo industriale, gjatë të mcilave u sekuestruan 165 kilogramë marihuanë dhe 185 kilogramë hashash.
Sipas “La Opinion DE MALAGA”, nga policia janë sekuestruar gjithashtu dy pistoleta, një makinë e vjedhur, një kamion frigorifer me një rimorkio me frigorifer me fund të dyfishtë, një furgon dhe tre makina.
Hetimet bënë të mundur gjithashtu edhe zbulimin e dy ndërtesave të përdorura si bazë për mbledhjen e drogës.
Mediat vendase kanë bërë me dije se katër nga të arrestuarit u kapën në flagrancë në magazinë, ku ata dyshohet se ngarkonin substanca narkotike në pjesën e poshtme të çatisë së një rimorkio.
Më vonë, u arrestuan dy persona të tjerë, të cilët do të ishin në krye të ruajtjes së ngarkesës së drogës.
Ndërkohë të arrestuarit akuzohen për përfshirjen e tyre në organizatë kriminale, për trafik droge, ndër të tjera edhe për armëmbajtje pa leje./Gazetareforma.com/
