Pas një operacioni të suksesshëm të autoriteteve shqiptare, anija “Moliva” ka lënë portin e Durrësit pasi u përfundua shkarkimi dhe skanimi i 102 kontejnerëve me mbetje të dyshuara toksike.
Ky operacion, i cili u krye me masa të larta sigurie, bëri që anija të qëndronte për një kohë të gjatë në Shqipëri për kontroll të detajuar të ngarkesës.
Pas skanimit, mbetjet janë depozituar në një venddepozitim të posaçëm në Spitallë, në periferi të Durrësit, afër EkoParkut dhe Sektorit Rinia.
Kjo strukturë e re, e administruar nga AAPSK, është nën monitorim të vazhdueshëm përmes kamerave dhe është mbikëqyrur nga policia për të siguruar qëndrueshmërinë dhe sigurinë e zonës.
