Presidenti Ilir Meta mëngjesin e sotëm mbajti një konferencë të jashtëzakonshme përpara mediave ku ka firmosur “live” edhe anulimin e zgjedhjeve të 30 qershorit.
Menjëherë pas konferencës, kryeministri Edi Rama mblodhi Kryesinë e PS, ku Elisa Spiropali ka “sulmuar” me tone të ashpra presidentin Meta.
Ajo shtoi më tej duke thënë se Partia Socialiste do të nisë të enjten procedurat e shkarkimit të Presidentit Ilir Meta.
E ndërsa vetë kryeministri Edi Rama ka reaguar nëpërmjet një statusi në rrjetin social Facebook, ku shumë ndjekës të tij i kanë kërkuar shkarkimin e Presidentit. Gjithashtu qytetarët duan të dinë se çfarë do të ndodhë tani më politikën në Shqipëri, nëse do të ketë zgjedhje siç shprehet kryministri, apo do të bëhet siç u shpreh mëngjesin e sotëm presidenti Meta.
Komentuesit i kanë kërkuar kryeministrit që zgjedhjet të mbahen në 30 qershor dhe të shkarkojë “Like foririn”. Të paktën ky ka qenë një nga komentet e njërit prej ndjekësve të kryeministrit.
Kujtojmë këtu se mëngjesin e sotëm presidenti Meta shtoi se pa caktuar ai një datë, në Shqipëri nuk do të keë zgjedhje në 30 qershor.
