Gjykata Kushtetuese ka caktuar datën e seancës për çështjen e shkarkimit të Presidentit Ilir Meta. Seanca do të mbahet më 18 janar 2022 ora 10:00.
Kujtojmë që çështja e shkarkimit të Presidenti shkoi në Kushtetuese pasi, maxhoranca parlamentare votoi pro shkarkimit të Ilir Metës nga posti i Presidentit të Republikës
Në votim morën pjesë 114 deputetë, pasi nga 122 deputetë munguan shtatë prej tyre. Nga këta 104 deputetë votuan pro, 7 deputetë kundër dhe 3 abstenim.
Kujtojmë që Partia Socialiste e akuzon presidentin për deklaratat publike para dhe gjatë fushatës së 25 prillit të këtij viti, të cilat sipas tyre kanë nxitur dhunë dhe kanë shkelur rëndë Kushtetutën.
Pas raportit të hartuar nga një komision hetimor me pjesëmarrjen edhe të opozitës, i ngritur posaçërisht për hetimin dhe analizimin e qëndrimit të Presidentit Meta para dhe gjatë fushatës elektorale, erdhi edhe votimi.
Ndër të tjera në raport thuhet se presidenti Meta ka shkelur më shumë se 10 nene të Kushtetutës gjë që, sipas maxhorancës socialiste, ka sjellë mosgarantimin e unitetit kombëtar duke mbajtur anën e opozitës para zgjedhjeve të 25 prillit dhe nxitur destabilitet dhe dhunë.
Nëse gjykatësit kushtetues e gjykojnë të ligjshëm vendimin e Parlamentit, Presidenti Meta duhet ta lerë detyrën e lartë pa e përfunduar mandatin e tij pesëvjeçar, që mbaron në korrik 2022.
