Largimi nga Kombëtarja Shqiptare i trajnerit Christiano Panucci, ka qenë padyshim lajm dhe si ka ndodhur e ka shpjeguar vet presidentit i FSHF, Armand Duka.
Nga studio e “Opinion”, Duka ka dhënë disa detaje të reja rreth shkarkimit duke thënë se situata e krijuar në Kombëtare ishte shumë e rëndë dhe vendimi ishte i marrë në grup, së bashku me stafin.
Presidenti ka thënë se shkarkimi nuk ka qenë fare i papritur, përkundrazi ishte i pritshëm dhe nuk kishte ndodhur më herët për shkak se duhet një zëvendësues.
“Nuk u shkarkua vetëm për një ndeshje, u vërtetua ajo që nuk mund ta inkurajonte më atë skuadër. Gjërat nuk po shkonin ashtu si duhet. Ka kërkuar që të jetë i disiplinuar dhe ne e kemi ndihmuar. Por atmosfera në fushë nuk ishte e pranueshme. Ishte një kimi që nuk shkonte dhe ndaj duhej ndarë”, ka thënë Duka.
Presidenti i FSHF-së e ka shpjeguar kështu momentin e shkakimit:
“Për të qenë i sinqertë e kishim lënë që të testohej pas ndeshjes me Turqinë. Vendimi ishte bashkë me stafin teknik të Federatës. Jemi mbledhur më stafin në Shkodër dhe pastaj ia kam komunikuar. Patjetër që e priste. I kam thënë: mister situata është e vështirë! Më ka thënë merr vendimin që duhet. E kam takuar në Hotel, e kam shkarkuar duke u gdhirë”, theksoi Duka.
