Në situatën e vështirë të krijuar nga pandemia shumë njerëz kanë tentuar të përfitojnë. Një rast i tillë ka ndohur edhe në Kinë ku disa persona mashtronin me vaksinat anti Covid. Policia kineze ka arrestuar 80 persona të cilët shisnin vaksina të rreme. Nga mediat e huaja bëhet me dije se rrjeti kriminal është krijuar në shtator. Ata kanë prodhuar dhe kanë shitur rreth 3 mijë doza të vaksinës që ishte e rreme.
Deparatmentet e policisë në Jiangsu, Pekin dhe Shandong thonë se kanë arrestuar mbi 80 persona të përfshirë në këtë rrjet të kriminalizuar. Ndërkohë që Ministria e Sigurisë Publike po heton të gjithë rrjetin në mënyrë që të arrestonet ët gjithë anëtaret e tij. Policia në Kinë tha së autorët “po bënin fitime të mëdha duke mbushur tretësirë të kripur në injektorë të përpunuar dhe bërë vaksina false të koronavirusit dhe duke i shitur ato me një çmim më të lartë”.
Kina ka prodhuar vaksinën e saj anti Covid që është hedhur në treg nga kompania Sinopharm. Vaksina është miratuar që vitin e kaluar dhe deri tani janë vaksinuar thuajse 20 milionë persona. Shumë vende perëndimore janë treguar skeptike ndaj kësaj vaksine dhe nuk e kanë miratuar, ndërkohë ditën e sotme Gjermania u shpreh e hapur për përdorimin e vaksinave kineze duke thënë se mund të përdoren nëse institucionet përkatëse i miratojnë.
