Disa ditë me parë një operacion u zhvillua në Tiranë nga Policia e Shtetit në bashkëpunim me Prokurorinë, në fushën e farmaceutikës ku dhe ranë në pranga gjashtë persona.
Ditën e sotme Prokuroria e Tiranës ka kërkuar masën “arrest me burg” për 6 personat që u arrestuan në lidhje me skemën e ngritur për të shitur ilaçe kontrabandë gjatë pandemisë.
Personat që kanë rënë në pranga janë Blerim Bitri, Florian Marku, Margarita Xhaxhiu, Jani Papuli, Florian Lila si dhe Bashkim Osmani, për të cilët organi i akuzës ka kërkuar të njëjtën masë.
Mësohet se katër nga të arrestuarit janë administratorë farmacish në Tiranë, një është punonjëse dhe një tjetër dyshohet se ishte dërguesja e mallrave kontrabandë.
Sjellim në vëmendje se këta persona ranë në pranga pas një hetimi 10 mujor që ka zhvilluar Prokuroria e Tiranës në bashkëpunim me Policinë e Shtetit, në kuadër të operacionit të koduar “Përfitimi”, prej ku ka rezultuar se ata shisnin medikamente të dyshuara kontrabandë, gjatë periudhës së COVID-19. Policia ka sekuestruar në cilësinë e provës materiale barna të ndryshme, një automjet dhe 6 aparate celular.
Njoftimi i policisë:
Finalizohet pas një hetimi 10-mujor operacioni policor i koduar “Përfitimi”.
Operacioni i zhvilluar nga Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë.
Shisnin medikamente të dyshuara kontrabandë, gjatë periudhes së Covid-19,vihen në pranga 6 shtetas.
Sekuestrohen barna të ndryshme, një automjet dhe 6 aparate celular.
Seksioni për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, pas një hetimi 10-mujor, zhvilloi dhe finalizoi operacionin policor i koduar “Përfitimi”, në kuadër të të cilët u bë arrestimi i shtetasve:
- B, 40 vjeç, administrator i një farmacie;
M, 39 vjeç, administrator i një farmacie;
M. Xh, 64 vjeçe, e dyshuar si dërguesja e mallrave kontrabandë;
J. P, 66 vjeç, i punësuar nga shtetasja M. Xh;
F. L, 40 vjeç, administrator i një farmacie;
B. O, 56 vjeç, administrator i një depoje farmaceutike.
Arrestimi i tyre u bë pasi gjatë periudhës së Covid-19, këta shtetas në bashkëpunim me njëri-tjetrin, shisnin medikamente të dyshuara kontrabandë.
Sekuestrohen në cilësinë e provës materiale barna të ndryshme, një automjet dhe 6 aparate celular.
Materialet i kaluan Prokurorisë pranë Gjykatës së Shkallës së parë Tiranë, për veprat penale “Prodhimi dhe tregtimi i barnave dhe i paisjeve mjekësore të falsifikuara ose të rrezikshme për shëndetin” dhe “Tregtim dhe transportim i mallrave kontrabandë”.
