Shefi i Urgjencës Kombëtare, Skënder Brataj, ka komentuar situatën e shkaktuar nga pandemia në vend.
I ftuan në një emision në Klan Tv, Brataj ka treguar se infeksioni i Covid-19 është shpërndarë masivisht dhe se duhen marrë masa urgjente për të parandaluar përhapjen e tij.
Për Bratajn, shkollat ishin thikë me dy presa ndërsa klubet përbëjnë rrezik pasi anashkalohet maska dhe distanca.
“Infeksioni është shpërndarë në një masë shumë të madhe. Patjetër që masa do të ketë sepse me këto përmasa që po merr sëmundshmëria detyrimisht duhet që të kufizohen. Nëse nuk kontrollohen duhet që të merren masa. Nuk po respektohen masat. Hapja e shkollave ishte një thikë me dy presa dhe vazhdon të jetë. Lokalet në darkë dhe çfarëdo lloj qofshin janë bërë një strehë të mos mbajtjes së maskës, mos respektimit të distancës dhe as të kufizimit të infeksionit”, ka thënë Brataj./GazetaReforma.com/
