Kalifornia ka raportuar 142 vdekje të reja për shkak të koronavirusit, duke e cuar numrin total të viktimave nga Covid-19, në 10 011 individë.
Departamenti i Shëndetit Publik të Shtetit ka konfirmuar shifrat, të cilat dëshmojnë se Kalifornia ka numrin më të lartgë të individëve që tashmë e kanë Covid-19.
Sa i përket numrit të të vdekurve për shkak të koronavirusit, rekord vazhdojnë që të mbajnë shtetet e Nju Jorkut dhe të Nju Xhersit, shkruajnë mediat në gjuhën angleze.
Në shtetin kalifornian janë konfirmuar deri tani 538 416 raste pozitiv me Covid-19, ku përfshihen edhe 8436 raste të reja. Departamenti i Shëndetësisë paralajmëroi se ka pasur probleme në raportim, pas një avarie në sistemin elektronik.
Shtetet e Bashkuara të Amerikës vazhdojnë të mbajnë rekord të të infektuarve me koronavirus në mbarë botën.
