Ukraina po bën pothuajse 2 muaj luftë me Rusinë, dhe humbjet janë të mëdha, ku edhe fëmijët nuk janë kursyer. Që nga fillimi i pushtimit rus, në Ukrainë janë vrarë 200 fëmijë dhe mbi 360 tjerë janë lënduar, njoftoi Zyra e Kryeprokurorit të Kievit.
Sulmi i fundit në Kharkiv rezultoi me humbjen e jetës së dy fëmijëve, e pesë tjerë janë lënduar. UNICEF-i njoftuar se pothuajse dy të tretat e fëmijëve ukrainas janë zhvendosur si pasojë e luftës që po ndodhë.
Megjithatë, Kombet e Bashkuara bëjnë me dije se 3.2 milionë fëmijë, për të cilët vlerësohet se akoma janë në shtëpitë e tyre, gjenden akoma të ekspozuar ndaj rrezikut.
Vlen të përmendim se rusët tashmë janë treguar tmerrësisht brutal në agresionin e tyre në Ukrainë.
Gjithsej 324 spitale janë dëmtuar dhe 24 janë shkatërruar gjatë pushtimit rus, sipas ministrisë së shëndetësisë të Ukrainës. Autoritetet po punojnë për planet për të rindërtuar disa spitale dhe për të kryer riparime. Tani për tani, disa zona duhet të mbështeten në spitalet e lëvizshme. Rusia ka pretenduar se nuk po synon infrastrukturën civile, por pamjet dhe raportet kanë treguar shkolla, spitale dhe ndërtesa banimi të shkatërruara.
Kujtojmë që lufta Rusi-Ukrainëpo regjistron shumë viktima, ndërsa problem po bëhet edhe një fakt, ai i birësimit të fëmijëve ukrainas dhe kjo në mënyrë të paligjshme.
