Mbrojtja e Izraelit nga një sulm me raketa dhe dronë të ndërmarrë nga Irani kushtoi më shumë se 1.3 miliardë dollarë. Këto para mendohet se u shpenzuan për karburant reaktiv, sisteme të ndryshme mbrojtëse si përgjuesit tokë-ajër dhe raketat ajër-ajër, si dhe pajisje të tjera ushtarake të përdorura nga forcat ajrore të Izraelit.
Për më tepër, çmimi i një rakete hipersonike anti-balistike, e quajtur “Shigjeta 3”, llogaritet të jetë diku ndërmjet 5 dhe 20 milionë dollarë për një të vetme.
Autoritetet izraelite, duke bashkëpunuar me Shtetet e Bashkuara, Mbretërinë e Bashkuar dhe Francën, thanë se kanë arritur të neutralizojnë rreth 99% të raketave dhe dronëve që erdhën nga Irani. Ngjarja, sipas raporteve ndërkombëtare të medias, zgjati rreth pesë orë.
