Të tjera detaje janë zbardhur nga ngjarja tragjike që ndodh në shkollën “Fan Noli” në Tiranë, ku një 14-vjeçar humbi jetën dhe një tjetër u plagos pas një sulmi të dhunshëm nga tre bashkëmoshatarët e tyre.
Sipas raportimeve i plagosuri i tretë është dërguar në një spital privat.
Kamerat e sigurisë , tregojnë se viktimat fillimisht janë gjuajtur me grushte dhe më pas janë goditur me thikë.
Ngjarja ka ndodhur brenda 90 sekondash, dhe dyshohet se shkaku ka qenë një konflikt i nisur në rrjetet sociale për arsye banale.
Policia ka identifikuar 3 personat që dyshohet se janë autorë të krimit, njëri prej të cilëve është shoqëruar në polici, ndërsa dy të tjerët pritet të shoqërohen.
Uniformat blu janë duke hetuar për të zbardhur shkaqet dhe rrethanat e plota të incidentit të tragjik.
Nderkohë qe një nxënës i klasës së shtatë, tregon ngjarjen që ai kishte parë.
Ti kishe dalë nga mësimi?
Mbarova shkollën, dola për qefin tim, po ikja për shtëpi dhe mora një byrek. I pash me gjak dhe ika direkt me vrap.
I njihje personat e përfshijnë?
-Jo, nuk i njihja fare.
Ça klase je?
-Në klasën e shtatë
Ata ishin në klasën e tetë dhe të nëntë?
-Nuk i njoh, nuk i pashë si me fytyrë kush ishin. Edhe po t’i njihja nuk i pashë në fytyrë. Thjesht ika direkt.
