Dy persona kanë plagosur me thikë në Dibër, efektivin e policisë, Bukurosh Zagradi.
Ky i fundit ndodhet në spital, jashtë rrezikut për jetën.
Mësohet se në momentin kur ndodhi ngjarja, efektivi ka qenë jashtë shërbimit.
Dyshohet se sherri midis autorëve dhe efektivit ka ndodhur për shkaqe pronësie.
Policia ka arritur të arrestojë R.M., ndërsa po vijon puna për kapjen e A.M.
Dibër/ Informacion paraprak
Rreth orës 13.30, në qytetin e Peshkopisë, për motive të dobëta, dyshohet se shtetasit R.M, dhe A. M, kanë plagosur me mjet prerës, shtetasin B. Z., (punonjës policie i cili ka qenë pushim jashtë shërbimit), e po merr ndihmë mjekësore në spitalin e Peshkopisë, jashtë rrezikut për jetën.
Falë reagimit të menjëhershëm të shërbimeve të policisë është bërë kapja e shtetasit R. M,. i cili është shoqëruar në komisariat.
Grupi hetimor po punon për zbardhjen e rrethanave të ngjarjes.
Shërbimet e Policisë të D.V.P. Dibër dhe të Komisariatit të Policisë Dibër, po krehin zonën për kapjen e autorit të dytë.
