Drejtoresha e gjimnazit “Andon Zako Çajupi” ka dhënë dorëheqjen pas ngjarjeve të ndodhura së fundi. Mësohet se ajo ka paraqitur dorëheqjen e saj pranë zyrën vendore arsimore në Tiranë. Ky veprim vjen pas sherrit mes dy mësueseve të shkollës, që degradoi në përdorimin e armës së zjarrit.
Kujtojmë që ngjarja ndodhi disa ditë më parë, ndërsa dy mësueset janë të pezulluara nga puna.
“Zyra Vendore e Arsimit Parauniversitar Tiranë, pasi konfirmoi zyrtarisht nga organet kompetente përfshirjen e dy mësueseve të shkollës së mesme “Andon Zako Cajupi” në konfliktin ditën e djeshme jashtë ambienteve të shkollës, ka kërkuar nga Institucioni Arsimor mbledhjen e komisionin e etikës dhe disiplinës për vlerësimin e rastit në fjalë.
Komisioni menjëherë pas kërkesës mori vendimin për pezullimin e dy mësueseve nga puna deri në zbardhjen e plotë të ngjarjes”, thuhej në njoftimin për pezullimin e tyre.
Më herët u bë me dije se konflikti mes tyre kishte nisur dy javë para ngjarjes së bujshme, pasi njëra prej mësueseve akuzonte tjetrën se kishte folur pas krahëve të saj.
Në konfliktin që ndodhi pranë shkollës ishin të përfshirë Edmond Faja, Elton Kasaj, Enrik Qenami, Enea Kovaçi, Ndriçim Qefalia, Laert Duro, Alvaro Toptani, Domenik Toptani. Policia njoftoi se ishte Edmond Faja ai që qëlloi më armë zjarri
