Një ngjarje e rëndë ka ndodhur në Greqi, ku një shtetas rus dhe një shqiptar kanë kryer një sulm të dhunshëm, në një minimarket në qendër të Chania.
Në një video të publikuar nga media greke zarpanews.gr shihet shqiptari i cili ndodhet në motorin me të cilin të dy u arratisën pas sherrit të përgjakshëm.
Ndërkohë që pronari sirian i mini marketit pohon se nuk i di arsyet e sulmit. Gjatë përleshjes në mini-market kanë mbetur të plagosur dy djemtë e pronarit, 32 dhe 34 vjeç, ku njëri prej tyre vazhdon të jetë në spital, pasi u qëllua në gju.
Në videon nga momenti i përleshjes, dy persona duket se kanë rrahur rusin, i cili dukej i gjakosur dhe i plagosur në fytyrë. Rusi më në fund arrin të largojë dhe qëllon dy herë, me një revole që plagos në gju djalin 34-vjeçar të pronarit. “Lëre armën, dikush do të vritet”, dëgjohet duke thënë dikush.
Më pas, autori largohet në këmbë dhe arratiset me motor me shqiptarin, të dy persona të njohur për autoritetet greke, me të shkuar kriminale. Ata u arrestuan disa orë më vonë nga policia.
