Një sherr me mjete të ftohta ka ndodhur në gjimnazin “Jordan Misja” në Shkodër.
Dy shokë klase janë konfliktuar me njëri tjetrin për motive të dobëta, jashtë ambienteve të shkollës.
Si pasojë e sherrit është plagosur 17-vjeçari Jak Frroku, i cili ndodhet në spitalin rajonal të Shkodrës, por fatmirësisht jashtë rrezikut për jetën.
Ndërsa personi që ka goditur me mjet prerës thikë Jak Frrokun është me iniciale E.N, po ashtu 17 vjeç.
Policia e Shkodrës bën të ditur së është bërë e mundur kapja e autorit të ngjarjes dhe shoqërimi i tij për veprime të mëtejshme.
Ndërkohë grupi hetimor po vijon hetimin për sqarimin e rrethanave të ngjarjes konfliktuese midis dy gjimnazistëve në Shkodër.
Policia e Shkodrës/ Informacion paraprak
Në Spitalin Rajonal Shkodër është paraqitur i dëmtuar me mjet prerës thikë, shtetasi J.F., 17 vjeç.
Nga veprimet paraprake rezulton se është konfliktuar jashtë ambienteve të shkollës me shokun e tij të klasës me shtetasin E. N., 17 vjeç për motive të dobëta.
I dëmtuari ndodhet në spital jashtë rrezikut për jetën.
Falë veprimeve të shpejta të shërbimeve të Komisariatit të Policisë Shkodër u bë e mundur kapja e autorit të ngjarjes dhe shoqërimi i tij për veprime të mëtejshme.
Grupi hetimor vijon punën për sqarimin e rrethanave të ngjarjes.
