Një konflikt mes disa adoleshentëve është shënuar pranë Pallatit të Sportit “Asllan Rusi” në Tiranë, ku sipas burimeve paraprake, një i mitur rreth 13 vjeç ka mbetur i plagosur.
I mituri është dërguar në spital për ndihmë mjekësore, por gjendja e tij shëndetësore ende nuk dihet.
Në përplasjen fizike janë përfshirë pesë të mitur, ndërsa grupi hetimor po punon për të zbardhur rrethanat e ngjarjes.
Ngjarja vjen në vijim të incidenteve të shpeshta mes adoleshentëve, përfshirë tragjedinë e ndodhur së fundmi ku 14-vjeçari Martin Cani humbi jetën pas një sulmi me thikë nga një bashkëmoshatar.
