Një ngjarje e rëndë ka ndodhur pasditen e sotme në Elbasan, ku një 26-vjeçar ka mbetur i vrarë me thikë pas një sherri mes disa të rinjve. Ndërkohë vëllai i tij ka mbetur i plagosur rëndë.
Ngjarja ndodhi mbrëmjen e sotme në lagjen “Beqir Dardha”.
Burimet bëjnë me dije se viktima, ka mbërritur i pajetë në spitalin e Elbasanit. Po ashtu bëhet e ditur se vëllai i tij, 19 vjeç është dërguar me urgjencë në spitalin e Traumës, pasi ndodhet në gjendje të rëndë për jetën.
Identifikohet emri i viktimës që mbeti i vrarë sot në Elbasan pas një sherri me thikë, ndërkohë që vëllai i tij mbeti i plagosur rëndë.
Bëhet fjalë për Florenc (viktima) dhe Mikele Kovacin, 26 dhe 19 vjeç (I plagosur).
Sipas policisë, dy vëllezërit janë përfshirë për motive të dobëta në një sherr me disa të rinj, ndërsa konflikti ka degjeneruar deri në përdorimin e thikave.
Aktualisht në vendin e ngjarjes ndodhet policia, e cila po heton për rastin në fjalë dhe arrestimin e autorëve.
Edhe pse ndodhet në vendin e ngjarjes nuk është arritur të zbardhet akoma një njoftim zyrtar nga Policia, e cila nuk ka gjetur ende arsyet e ‘sherrit’ të krijuar mes të rinjve në Elbasan, edhe pse nga dfisa zëra thuhet se sherri mes të rinjve është krijuar për arsye vajzash, por ende nuk ka nje njoftim zyrtar për këtë çështje të rëndë në qytetin e Elbasanit.
