TIRANË
Një sherr me thika ka ndodhur sot paradite në lagjen e Don Boskos, në Tiranë.
Policia informon se ka arrestuar Argjir Dushën, 50 vjeç, që ka plagosur me thikë 45-vjeçarin me inicialet A.K.
Mësohet se sherri mes dy shtetasve ka ndodhur për motive të dobëta.
I plagosuri ndërkaq u dërgua në spital dhe është jashtë rrezikut për jetën.
Njoftimi i Policisë së Tiranës:
Plagosi me thikë 45-vjeçarin, pas një konflikti për motive të dobëta, vihet në pranga nga Policia. Sekuestrohet mjeti prerës thikë me të cilën autori ka plagosur 45-vjeçarin.
Specialistët për Hetimin e Krimit në Komisariatin e Policisë Nr. 3 Tiranë, pas njoftimit të marrë për një konflikt në rrugën “Don Bosko”, ku dy persona ishin konfliktuar me njëri – tjetrin dhe për pasojë njëri prej tyre ishte plagosur me thikë, menjëherë organizuan punën dhe falë veprimeve të shpejta bënë identifikimin dhe kapjen e autorit të ngjarjes, konkretisht:
- D., 50 vjeç, banues në Tiranë.
Arrestimi i këtij shtetasi u bë për veprat penale “Plagosja e rëndë me dashje” dhe “Mbajta pa leje e armëve të ftohta”, pasi në rrugën “Don Bosko”, ka plagosur me thikë, për motive të dobëta, shtetasin A. K., 45 vjeç, i cili ndodhet në spital, jashtë rrezikut për jetën. Materialet i kaluan Prokurorisë së Rrethit Gjyqësor Tiranë, për veprime të mëtejshme.
