Ditën e sotme disa të rinj janë përfshirë në një konflikt në zonën e Liqenit Artificial në Tiranë ku janë përfshirë edhe disa policë.
Burime të ndryshme kanë siguruar pamje të sherrit ku duken disa persona që gjuajnë njeri tjetrin teksa ndërhyn edhe policia.
Nuk dihet nëse ka të lënduar nga kjo përleshje.
Policia e Tiranës ka sqaruar dhe jep detaje mbi sherrin masiv që ndodhi pasditen e sotme tek Liqeni Artificial. Sipas njoftimit të policisë, gjithçka ka nisur pasi në parkingun në administrim nga personi me inicialet Y. S., janë gërvishur dy mjete të parkuara. Për pasoja, administrator është konfliktuar me persona me inicialet O. S., I. K., A. S., F. L., Sh. L., E. L., dhe A. L.. Dy persona kanë mbetur të plagosur si pasojë e sherrit të ndodhur, të cilët janë dërguar në spital. Të gjihë të konfliktuarit janë dërguar në komisariat më pas.
Njoftimi i policisë Tiranë
Në lidhje me një video të postuar në rrjete sociale për një konflikt të ndodhur në afërsi të Liqenit Artificial, ju sqarojmë se: Më datë 27.03.2022, në parkingun në administrim nga shtetasi Y. S., janë gërvishur dy mjete të parkuara dhe janë konfliktuar shtetasit Y. S, O. S., I. K., A. S., me shtetasit F. L., Sh. L., E. L., dhe A. L. Shërbimet e Policisë sapo kanë marrë njoftimin, kanë kaluar menjëherë në vendngjarje dhe kanë shoqëruar palët e konfliktit në komisariat. Gjatë konfliktit janë dëmtuar shtetasit Sh. L. dhe A. L., të cilët pasi kanë marrë ndihmën mjekësore në spital, janë shoqëruar në komisariat. Grupi hetimor po vijon punën për sqarimin e rrethanave të konfliktit.
