Mesditën e sotme në Korçë është regjistruar një sherr masiv.
Ngjarja ka ndodhur përpara një furre buke, ku ishin grumbulluar një numër i madh qytetarësh.
Mësohet se shkak për konfliktin janë bërë radhët e gjata.
Ajo që vihet re në pamjet e sjella nga “Balkanweb” është se qytetarët pëveçse nuk respektojnë distancën, nuk kanë marrë as masat mbrojtëse si maskë apo dorezë.
Jo vetëm në Korçë, por edhe në qytete të tjera të Shqipërisë, ditën e sotme u krijuan radhë të gjatë njerëzish, për shkak se kryeministri Edi Rama ka urdhëruar ndalimin e qarkullimit të këmbësorëve dhe makinave të paautorizuara, deri të hënën në orën 05:00.
Gjatë kësaj kohe, ushtria dhe policia do të kryejnë patrullime në rrugët e vendit, për të mbikëqyrur zbatimin e masave.
Në një njoftim të pak orëve më parë, Rama bëri me dije se policia është e autorizuar të përdorë edhe forcën përveç gjobës, në rast të grumbullimeve.
Bilanci i COVID-19 në vendin tonë është 76 të prekur, nga të cilët 2 të vdekur dhe dy të shëruar.
Te Infektivi janë shtruar 37 pacientë, 4 prej të cilëve mbahen në terapi intensive.
Autoritetet shëndetësore vijojnë me thirrjet për respektimin e rregullave të higjienës dhe distancimit social.
