Vijon dhuna në burgjet greke.
Ngjarja është raportuar sot nga burgu i Karidhalos dhe lajmin e bën të ditur media greke “Ekathemerini”.
Një 27- vjeçar shqiptar është përfshirë në sherr me një 33-vjeçar grek.
Sherri ka qënë masiv, dy të burgosurit mbetën të plagosur dhe u dërguan në spitalin e burgut.
Arsyet e sherrit nuk dihen, por sipas informacioneve sherri ka ndodhur në zonën D të burgut dhe të burgosurit e tjerë kanë nisur të gjuajnë me kabuj dhe me sende të tjera të forta grekun dhe shqiptarin.
Të plagosurit janë në spital në gjendje të rëndë shëndetësore.
