Policia e Tiranês ka njoftuar mbrëmjen e sotme se katër persona kanë dhunuar me sende të forta një tjetër person, duke e bërë atë për spital. Në njoftimin e policisë së Tiranës, thuhet ngjarja ka ndodhur rreth orës 20:15, në Allias, si pasojë e një konflikti të çastit për motive të dobëta.
Personi me inicialet B. Gj, së bashku me 3 shtetas të tjerë ende të paidentifikuar, kanë goditur me sende të forta personin me inicialet J. H.. Në largim e sipër njëri prej 3 personave të paidentifikuar ka qëlluar me armë zjarri në ajër.
Grupi hetimor po punon për sqarimin e plotë të rrethanave të ngjarjes dhe për kapjen e katër personave që dhunuan një tjetër mbrëmjen e sotme. I lënduari ndodhet në spital, ku po merr mjekimin e nevojshëm.
Njoftimi i policisë Tiranë
Me datë 23.4.2021, rreth orës 20:15, në Allias, si pasojë e një konflikti të çastit për motive të dobëta, shtetasi B. Gj, së bashku me 3 shtetas të tjerë ende të paidentifikuar nga ana jonë kanë goditur me sende të forta shtetasin J. H.. Në largim e sipër njëri prej 3 shtetasve të paidentifikuar dyshohet se ka qëlluar me armë zjarri në ajër. Vijon puna për identifikimin dhe kapjen e tyre. Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.
