Mbrëmjen e kaluar Juventusi arriti të fitonte bindshëm ndaj ekipit të Ferencvarosi në Hungari dhe arriti të fitonte me rezultatin 1-4.
Merita për këtë ndeshje dhe dy nga golat e Juventusit itakon spanjollit Alvaro Morata i cili arritit të gjente dy herë golin dhe t’i jepte pak frymë ekipit të tij.
I pyetur në lidhje me paraqitjen e tij në këtë ndeshje dhe jo vetëm , pasi Morata ka shënuar edhe një gol tjetër në ndeshjet e Ligës së Kampionëve, ky i fundit tha se me djemtë e Torinos po kalon një periudhë shumë të mirë pasi i janë rikthyer përsëri fitoreve si ekip.
“Mundohem të jap gjithmonë maksimumin tim për të shënuar dhe për të ndihmuar skuadrën. Ndihem shumë mirë fizikisht, por ajo që ka rëndësi është fakti që skuadra është rikthyer te fitoret. Kaluam një periudhë ku na u desh të adoptoheshim me njëritjetrin. Mendoj që tani jemi më shumë skuadër, por kemi ende mjaft gjëra për të përmirësuar.Motivimi i jetës së përditshme dhe i asaj që jepet në fushë ecën paralelisht. Që në ditën e parë që jam rikthyer jam ndjerë menjëherë shumë i rëndësishëm dhe pikërisht kjo është ajo që më shtyn të jap gjithmonë më të mirën. Për momentin kam gjithçka më nevojitet në jetë, duke nisur nga familja e deri te Juventusi. Gjithsesi, dua edhe më shumë se kaq,” tha Morata.
Ndërkohë i pyetur në lidhje me kolegun e tij Ronaldon, Morata tha se për Rondaldon nuk ka nevojë për komente pasi trofetë që ai ka fituar flasin shumë për të.
“Në fund të ditës do të them atë që kam thënë gjithmonë. Ai është një lojtar që nuk ka nevojë për komente. Trofetë që ka fituar në jetë flasin vetë. Ai është më i miri në atë që bën. Në fund është një shok i mirë skuadre, gjithmonë i disponueshëm, flet shumë me të gjithë në ekip. Të gjithë e duan pasi ndihmon gjithmonë kur është nevoja. Shpresojmë që ai të vazhdojë të shënojë për ne, pasi sivjet kjo Juve mund të shkojë vërtet shumë larg në Champions.”
