Është shënuar viktima e parë nga gripi sezonal në vendin tonë.
Një grua 61-vjeçare ka humbur jetën në Spitalin Universitar “Shefqet Ndroqi”.
Ajo vuante nga sëmundje kronike të zemrës, por ishte prekur nga virusi i gripit normal.
Bëhet me dije se e moshuara nuk ishte vaksinuar.
Nga ana tjetër, situata e gripit duket normale.
Të dhënat janë të njëjta me ato të një viti më parë.
Raportohet për 16 mijë të prekur në javë dhe sipas mjekëve nuk jemi në prag epidemie.
Në hartën e Organizatës Botërore të Shëndetit Shqipëria renditet në nivele mesatar.
Nga ana tjetër, mjekët bëjnë thirrje që personat me sëmundje kronike duhet të vaksinohen, pasi virusi i gripit ndikon në përkeqësimin e gjendjes së tyre shëndetësore.
