Mesnatën e së hënës një atentat tronditi Krujën ku mbeti një viktimë dhe 2 të mitur të plagosur, por në fakt shënjestra ishte babai i tyre, Gentjan Bejtja. Mësohet se djali 10-vjeçar është jashtë rrezikut për jetën dhe ka mundur të flas për grupin hetimor. Ndërkohë që vëllai i tij 13-vjeçar është në gjendja më të stabilizuar, por mjekët nuk e konsiderojnë ende se e ka kaluar rrezikun.
Viktimë mbeti kunati i Gentjan Bejtjas, Ramazan Sulo i cili kishte shkuar për vizitë tek nipërit e tij.
Gentjan Bejtja një emër i njohur për policinë nuk është paraqitur për të parë nga afër fëmijët e tij dhe nuk është gjendur nga prokuroria. Bejtja ka qenë mik i ngushtë me Stafukën e zhdukur, personi që kontaktoi i fundit me biznesmenin e vrarë të kromit Iljaz Calit.
Kjo ngjarje dëshmoi së pari që kundërshtarët e Gentjan Bejtjas janë të interesuar ta eliminojnë me çdo kusht, pasi nuk kursyen as fëmijët e mitur dhe ekzekutuan një person që nuk kishte asnjë lidhje me ngjarje kriminale në vend. Në vendin e ngjarjes janë gjetur nga grupi hetimor 24 gëzhoja.
Kjo ngjarje sipas hetuesve duhet të hetohet me shumë ngjarje të tjera kriminale të ndodhura në aksin Fushë-Krujë Lezhë pasi mund të hidhet dritë dhe mbi ngjarje të tjera të shumta kriminale. Gentjan Bejtjas mund t’i ofrohet dhe statusi i të penduarit nga drejtësia.
