Shembja e Teatrit Kombëtar ditën e djeshme, nxiti protesta masive ku shumë qyetarë, gazetarë e artistë u dhunuan nga efektivët e policisë.
Ditën e sotme, në orën 16:30 pritet të zhvillohet një tjetër protestë për shembjen e teatrit.
Kjo protestë është e organizuar nga Aleanca për Mbrojtjen e Teatrit, por mësohet se në kët protestë do të marrë pjesë edhe opozita.
Mbrëmjen e dheshme Luzlzim Basha dhe kryetarja e LSI-së, Monika Kryemadhi vendosën në mbledhjen e zhvilluar se sot do të marrin pjesë në këtë protestë.
Sipas kreut të PD, kjo protestë do të jetë masive.
Protesta pritet të mbahet përballë Ministrisë së Brendshme.
Regjisori Edmond Budina ka bërë thirrje ditën e djeshme se do të protestojnë kundër tentativës për vrasjen e popullit.
Deklarata e fortë e Budinës ditën e djeshme, ishte se shembja e Teattrit kombëtar kishte nisur kur brenda tij kishte njerëz.
“Nesër në orën 16:30 do të mblidhemi në protestë kundër tentativës për vrasje, sepse kur filloi shembja ne ishim akoma brenda.
Për të shpëtuar edhe policët nga një makth i madh që i ka zënë ne do ta fitojmë.
Me dëshirën për të bërë diçka më të mirë.
Shihemi nesër, me një dëshirë më të madhe dhe ta bëjmë atë ndryshim që ju dëshironi dhe ne që kemi ndenjur në Teatër Kombëtar se e kuptuam që nuk e mbronim dot pa mbrojtur demokracinë”, ishte kjo thirrja e djeshme nga regjisori Edmon Budina.
