Deputeti i PD-së, Dashamir Shehi, theksoi rëndësinë e marrëveshjes për pensionet me Italinë për shqiptarët që jetojnë dhe punojnë atje.
“Marrëveshja për pensionet me Italinë është shumë e rëndësishme për Shqipërinë. Është një gjë shumë e mirë për shqiptarët që e përfitojnë,” tha Shehi. Ai shtoi se Italia tregon edhe një herë se është një vend mik dhe dashamirës ndaj Shqipërisë.
Sipas Shehit, është e nevojshme të bëhen përpjekje maksimale për të lidhur marrëveshje të ngjashme për pensione edhe me vende të tjera të zhvilluara europiane, ku shqiptarët janë të regjistruar dhe punojnë.
“Kur reforma e pensioneve do të zbatohet pas një viti, do të dalin edhe disa probleme. Shpresoj që të bëhen marrëveshje edhe me shtetet e mëdha, ku punojnë shqiptarët,” tha ai. Shehi gjithashtu u shpreh për situatën e vështirë të pensionistëve në Shqipëri: “Pensionistët mezi mbijetojnë sot.”
