Kryetari i LZHK-së, Dashamir Shehi, gjithashtu dhe kandidat për deputet i opozitës në Tiranë, ka folur për situatën politike në vend. Shehi u shpreh se ligji zgjedhor aktual penalizon shqiptarët që nuk e kanë luksin të kenë përfaqësim real në parlament më shumë se sa penalizon partitë, të cilat e gjejnë një strehë. Në “Zgjedhje 2021”në Vizion Plus, Shehi u ndal edhe tek listat ku pohoi se pas 2 javësh do njihemi me peshën e secilës prej partive politike.
“Sa i përket vendeve të aleatëve në lista dua të them një them një shprehje të vjetër angleze,” nuk qahet sipër qumështit të derdhur”, kur të mbarojë fushata do shohim nëse i kemi rënë në qafë PD-së apo na ka ra ajo ne, këto pakënaqësitë për listat janë thashetheme. Lista e PD për Tiranën, është listë politike, ka mbledhur nga pjesa e aletëve, pjesën politike. Kjo përplasja PBDNJ dhe PDIU që thoni ju, është tezë reaksionare.
Ato janë parti shqiptare, ata janë shqiptarë jetojnë në këtë realitet. Camëria, është çështje e shtetit shqiptar ashtu si ajo e minoriteteve. Analizat për peshën elektorale të secilës parti do bëhen pas dy javëve. Në lista është hapur vetëm një dritare e vogël, që do tregojë shumë.
Ne nuk është se donim një ligj të favorizonte partitë e vogla, por ligji zgjedhor lag shqiptarët, është ligj i keq për shqiptarët. Problemi se janë dëmtuar shqiptarët. Brenda këtij ligji forcat politike e gjetën një strehe, shqiptarët jo. Nga ky ligj forcat alternative kanë dalë të dhunuara”, u shpreh Shehi.
