Vrasja e Soleiman ka tronditur stabilitetin jo vetëm mes SHBA-Iran, por në të gjithë botën.
Prej ditësh dy shtetet kanë shkëmbyer akuza e paralajmërime të shumta.
Së fundmi, sekretari amerikan i Shtetit, Mike Pompeo, mbajti një konferencë për media rreth kësaj çështjeje.
Ai tha se Irani po punon “në mënyrë aktive” për të minuar procesin e paqes në Afganistan.
Më tej, Pompeo akuzoi Iranin se ka raporte me talibanët dhe grupet e tjera militante në Afganistan.
Sipas tij, raportimet se komandanti iranian, Qasem Soleimani ka qenë në mision diplomatik në Irak kur u vra nga ana e Shteteve të Bashkuara, janë plotësisht të pavërteta.
Qasem Soleiman u vra nga trupat amerikane më tre janar.
Kujtojmë që Soleimani ka qenë komandant i njësisë elitare Quds, ndërsa njihej në opinionin si njeriu i dytë më i fuqishëm në Iran.
Pasi e lokalizoi në aeroportin ndërkombëtar të Bagdadit, ushtria amerikane kreu një sulm ajror me dron duke lënë të vdekur edhe disa zyrtarë tjerë ushtarakë të Iranit.
Irani kërcënoi se nuk do ndalej vetëm me një sulm dhe se vrasja e Trump nuk e kompenson gjakun e Soleiman.
