Ambasadorja amerikane në Shqipëri, Yuri Kim, ka bërë të ditur se Shtetet e Bashkuara të Amerikës, kanë dërguar ekspertë amerikanë për të mbështetur përpjekjet e Forcave të Armatosura Shqiptare në shuarjen e flakëve.
Ambasadorja Kim shkruan se ekspertë amerikanë, kanë mbërritur këtë fundjavë në Shqipëri. Ajo thekson se SHBA dhe Shqipëria janë më të forta së bashku dhe në këtë situatë të vështirë me zjarret, ata do të jenë sërish krah për krah.
Postimi i Yuri Kim:
Si të gjithë në Shqipëri, Ambasada Amerikane është e trishtuar nga shkatërrimi i shkaktuar nga zjarret në jug.
Në përgjigje, ekspertët amerikanë të shuarjes së zjarrit mbërritën këtë fundjavë për të mbështetur përpjekjet e Forcave të Armatosura Shqiptare.
Përveç kësaj ndihme nga USAID, pajisjet e dhuruara më parë nga SHBA përfshirë “kova Bambi” për helikopterë, kostume zjarrfikëse, sëpata, lopata, pajisje mbrojtëse personale, etj. po përdoret tani për të mbrojtur jetën, shtëpitë dhe bizneset shqiptare. Të fortë së bashku dhe Krah Për Krah”, shkroi Kim.
Shqipëria prej dy javësh tashmë është e përfshirë nga flakët dhe vatrat më problematike janë ato në Dukat dhe Karaburun në Vlorë, si dhe zjarri në Majën e Rrunës në Kukës. Po vazhdohet ende puna pë shuarjen sa më shpejt të këtyre zjarreve.
