Sekretari i Shtetit i Georgias, Brad Raffensberger deklaroi sot se do të ketë rinumërim të votave pasi diferenca është e ngushtë, ndërkohë po vijon numërimi i fletëve të tjera të votimit.
Ka ende 4169 vota për tu numëruar në Georgia ndërsa deri tani janë numëruar 5 milionë. Trumpdhe Biden duket se po luftojnë “kokë më kokë” për fitimin e këtij shteti, ndërsa Biden ka përparësi me vetëm 1,500 vota.
“Me një diferencë kaq të vogël do të ketë një rinumërim në Georgia. Interesi për zgjedhjet tona padyshim që shkon shumë përtej kufijve të Georgias. Numri përfundimtar në Georgia në këtë pikë shkakton ndërlikime të mëdha për të gjithë vendin”, tha Brad Raffensberger.
Sterling, i cili mbikëqyr votimin për shtetin, shtoi se arsyeja e rinumërimit është për shkak se ata nuk kanë parë “ndonjë parregullsi “, prandaj duan ta vërtetojnë këtë për të hedhur poshtë pretendimet se mund të jetë bërë ndonjë manipulim.
