Qeveria amerikane ka vendosur të ndërpresë të gjitha fondet për Organizatat Jo Qeveritare në Shqipëri dhe Maqedoninë e Veriut.
Pas pezullimit të fondeve të USAID për këto OJF, autoritetet amerikane kanë marrë vendimin për të ndërprerë plotësisht financimin.
Ky vendim është marrë ekskluzivisht për OJQ-të që operojnë në këto dy shtete, ku ndikimi i George Soros ka qenë më i madh.
Njoftimi i Plotë:
I nderuar Partner, Grantet tuaja (aëard cc) po ndërpritet për lehtësinë e Qeverisë së Shteteve të Bashkuara, në përputhje me një direktivë nga Sekretari i Shtetit të SHBA, Marco Rubio, për t’u përshtatur me prioritetet e Agjencisë dhe interesin kombëtar. Vendimi për të ndërprerë këtë grant individual është një përcaktim politik i cili i përket Sekretarit të Shtetit. Instruksione të detajuara do të pasojnë, dhe një modifikim/amendament zyrtar për të formalizuar këtë veprim do të vijë nga Zyra e Granteve për grantet specifike. Ju lutemi të konfirmoni marrjen e këtij Njoftimi të Ndërprerjes përmes një përgjigjeje elektronike me email dërguar dërguesit.
Ndërkohë që jo më larg se dje Komisioni i Posaçëm i Efikasitetit të qeverisjes në Kongresin amerikan deklaroi se ndihma amerikane përmes USAID, është përdorur nga miliarderi George Soros për të ndikuar në drejtësinë dhe politikat e vendeve të Ballkanit Perëndimor.
USAID, agjencia kryesore e Qeverisë amerikane për administrimin e ndihmës civile dhe asistencës zhvillimore globale, ka pasur një praninë të gjerë në mbi 100 shtete, duke ndarë fonde të shumta, përfshirë në Shqipëri.
Megjithatë, Administrata Trump ka shprehur kritika ndaj programeve të USAID-it, duke i konsideruar ato joefikase dhe të papajtueshme me interesat amerikane. Si pasojë, ajo ka bllokuar fonde për këtë agjenci, duke theksuar se disa funksione do të menaxhohen drejtpërdrejt nga Departamenti i Shtetit.
