Administrata e Presidentit të Shteteve të Bashkuara Joe Biden ka njoftuar planet e saj për të ndarë një rezervë prej 25 milion dozash të vaksinave COVID-19 të papërdorura në botë
Shtëpia e Bardhë tha të enjten se 75 përqind e atyre dozave do të shkojnë në programin global të ndarjes së vaksinave COVAX të mbështetur nga Kombet e Bashkuara, ndërsa pjesa tjetër do të shkojë drejtpërdrejt te kombet aleate dhe partnerët.
“Për sa kohë që kjo pandemi po zhvillohet kudo në botë, populli amerikan do të jetë ende i prekshëm,” tha Biden në një deklaratë. “Dhe Shtetet e Bashkuara janë të përkushtuara për të reaguar në përpjekjet ndërkombëtare të vaksinimit, njëllojë me çfarë kemi demonstruar në shtëpi.”
Nga 25 milion doza, Shtëpia e Bardhë thotë se rreth 19 milion do të shkojnë në COVAX, me afërsisht gjashtë milion për Amerikën Latine dhe Karaibet, shtatë milion për Azinë dhe pesë milion për Afrikën. Dozat shënojnë një nxitje thelbësore – dhe të menjëhershme – të përpjekjeve të mbetura COVAX, të cilat deri më tani kanë ndarë vetëm 76 milion doza në vendet në nevojë.
Pjesa e mbetur prej 25 përqind do të mbahet në rezervë për raste emergjente dhe për SH.B.A. për t’i ndarë direkt me aleatët dhe partnerët.
Shtëpia e Bardhë tha se gjashtë milion doza do të drejtohen në Meksikë, Kanada dhe Korenë e Jugut, Bregun Perëndimor dhe Gaza, Ukrainë, Kosovë, Haiti, Gjeorgji, Egjipt, Jordan, Irak dhe Jemen, si dhe për punëtorët në vijën e forntit të Kombeve të Bashkuara. Në deklaratë, Biden tha se SHBA do të ndajë vaksinat pa pritur favore politike në këmbim.
“Ne po ndajmë këto doza për të mos siguruar favore ose për të nxjerrë koncesione,” tha Biden. “Ne po i ndajmë këto vaksina për të shpëtuar jetë dhe për të udhëhequr botën për t’i dhënë fund pandemisë, me fuqinë e shembullit tonë dhe me vlerat tona.”
