Nuk duhet se në çfarë sensi e ka pasur deklaratën e tij të fundit kandidati për President në SHBA, Joe Biden, por thirrja që ai ka bërë pas kërkesës së rivalit të tij Trump, që kërkoi rinumërim të votave, duket më shumë si një thirrje kryengritjeje.
Zgjedhjet në SHBA ende nuk njohin një fitues të qartë, ndërsa numërimi i votave në shtetet e fundit kyçe vazhdon.
Në lidhje me zgjedhjet, ka reaguar kandidati demokrat për president, Joe Biden. Me anë të një postimi në “Twitter”, Biden shprehet se, rezultatin final nuk e vendos Trump, por populli amerikan.
“Ne jemi duke vendosur mbrojtje për zgjedhjet. Donald Trump nuk vendos për rezultatin zgjedhor.
Rezultatin final të zgjedhjeve në SHBA e vendos vetëm populli amerikan”,-shkruan Biden.
Ky reagim vjen pasi Donald Trump, më herët ka deklaruar se, “zgjedhjet janë të vjedhura”.
Në disa shtete kyçe mund të duhet disa ditë për të numëruar të gjitha votat, por menaxheri i fushatës Trump ka njoftuar sot se, do kërkoi rinumërim në Wisconsin.
“Pavarësisht sondazheve publike qesharake të përdorura si një taktikë e shtypjes së votuesve, Wisconsin ka qenë një garë e rrallë siç e dinim gjithmonë se do të ishte”,- thotë Bill Stepien, menaxheri i fushatës “Trump 2020” në një deklaratë.
/GazetaReforma.com/
