E nominuara për postin e gjyqtares në Gjykatën e Lartë të SHBA-së, Amy Coney Barret , qartësoi se bindjet e saj politike apo fetare nuk do të ndikonin vendimet e saj gjyqësore.
Gjatë ditës së dytë të seancës dëgjimore në Komisioni Juridik të Senatit mbi emërimin e saj për një mandat të përjetshëm në gjykatën prej nëntë anëtarësh, Barret tha se ajo nuk ka një axhend.
“Gjyqtarët nuk munden vetëm të zgjohen një ditë dhe të thonë ‘Unë kam agjendë. Më pëlqejnë armët, i urrej armët, më pëlqen aborti, e urrej abortin’ dhe të vazhdojnë sikurse mbretëresha dhe të zbatojnë dëshirat e tyre në botë”, theksoi Barret.
Presidenti amerikan Donald Trump si dhe republikanët e tjerë insistojnë që të përfundojnë sa më shpejt procedurat për emërimin e 48-vjeçares.
Nëse e nominuara merr zyrtarisht postin e gjyqtares në Gjykatën e Lartë, konservatorët do të merrnin shumicën 6-3.
Nominimi i saj në Gjykatë është kritikuar nga Demokratët të cilët kanë thënë se ky është një vendim që i përket fituesit të zgjedhjeve presidenciale që do të mbahen në SHBA më 3 nëntor.
/Gazetareforma.al/
