Shtetet e Bashkuara të Amerikës kanë dhuruar 1 milionë dollar pajisje mjekësore kundër Covid-19 për Shqipërinë. Ndër to përfshihen shtretër spitalor, respiratorë, apparat grafie, pajisje mbrojtëse etj.
Në fjalën e saj gjatë ceremonisë së dhurimit, ambasadorja Yuri Kim tha se kur këto pajisje të përdoren, shpreson që njerëzit të kujtojnë se populli amerikan përkujdeset shumë për popullin shqiptar. Ajo citoi ish-sekretarin e Shtetit, James Baker gjatë vizitës së tij në Shqipëri kur tha: ‘ju ishit me ne dhe ne jemi me ju’.
“Kur dikush të hapë atë frigorifer për të marrë një dozë vaksine, kur një pacient të shtrihet në një prej atyre krevatëve, kur një ekspert të lexojë një prej atyre ekranëve, shpresoj të kujtohen thellë në zemrat e tyre, se populli amerikan përkujdeset. Ne përkujdesemi shumë për popullin shqiptar. Dhe ashtu siç ka thënë edhe Sekretari Baker kur ishte këtu shumë vite më parë, ‘ju ishit me ne dhe ne jemi me ju’.”
Ambasadorja e Shteteve të Bashkuara të Amerikës Yuri Kim në ceremoninë e dhurimit nga Komanda Europiane e Shteteve të Bashkuara të pothuajse 1 milionë dollar pajisje mjekësore kundër COVID-19 për spitalin Nënë Tereza në Tiranë. Pajisjet e dhuruara përfshijnë shtretër spitalorë dhe dyshekë për repartin e reanimacionit, respiratorë, aparat grafie, aparate me ultratinguj dhe pajisje mbrojtëse”, thuhet në njoftimin e ambasadës.
