Ditën e sotme u zhvilluan tre ndeshjet e radhës së Superligës shqiptare ku përveç dy skuadrave të kryeqytetit që bëjnë hapa të sigurt drejt fitores surprizën e bën Apolonia që mundi Laçin në stadiumin “Loni Papuçiu” me shifrat 1-0. Kryeqytetasit bardheblu mundën Kastriotin me shumë vështirësi në stadiumin Selman Stermasi me rezultatin 2-1. Në fillim ndeshja nuk nisi shumë mbarë për Tiranën e cila mori golin e parë në minutën e 20-të nga David.
Por përsëri arritën të rikthehen fuqishëm dhe ishin në epërsi territoriale, ndërsa golin e barazimit e gjetën në minutën e 35 me kapitenin Idriz Batha, i cili nga fare pranë mposhti portierin Isli Hidi.Në pjesën e dytë golin e fitores e shënoi Mucin ë minutën e 53-të. Një sukses që e ngjit skuadrën bardheblu në vendin e 5-të në kuotën e 20 pikëve.
SKËNDERBEU-PARTIZANI 1-2
Nga ana tjetër djajtë e kuq të Partizanit fituan me shifrat 1-2 në Korçë përballë Skënderbeut. Dëbora e rënë në Korçë ndikon në këtë ndeshje duke prishur performancën e të dy ekipeve. Sfida nisi mjaft mirë për të kuqtë, të cilët brenda 7 minutave shënuan dy herë me Bardhin dhe Solomon, ndërsa në pjesën e dytë Mensah ngushtoi shifrat por vetëm kaq.Në këtë mënyrë Partizani ngjitet në vendin e dytë me 23 pikë, aq sa Teuta e vendit të tretë. Ndërsa Skënderbeu mbetet në vendin e fundit me 10 pikë.
APOLONIA-LAÇI 1-0
Ndërsa sfida mes Apolonisē dhe Laçit u mbyll me fitoren e të parëve me rezultatin 1-0. Ka mjaftuar një gol i Gjatës në pjesën e parë që i jep kështu 3 pikë të rëndësishme skuadrës fierake në luftën për mbijetesë. Sfida kishte edhe disa raste të diskutueshme pasi Laçi gjeti golin e barazimit me Harmon, por gjyqtari anësor në mënyrë të pabeshme e anulloi golin. Kurbinasit në fund të ndeshjes ngelen edhe me 10 lojtarë pasi Deliu doli me karton të kuq për shkak se ofendoi gjyqtarin. Me këtë fitore, Apolonia kalon Skënderbeun në renditje duke shkuar në vendin e 9-të me 12 pikë po aq sa ka edhe Bylis i vendit të 8-të. Laçi ngelet në vendin e 4-të me 20 pikë.
