Seanca e dhjetë për konstituimin e Kuvendit të Kosovës është ndërprerë vetëm pak minuta pasi kishte filluar, duke shtuar edhe një dështim tjetër në përpjekjet për formimin e institucioneve pas zgjedhjeve.
Në sallë ishin të pranishëm 106 deputetë, por procesi u ndërpre pas refuzimit të propozimit për zhvillimin e votimit të fshehtë për zgjedhjen e kryetarit të Kuvendit. Propozimi nuk mori mbështetjen e mjaftueshme, pasi u kundërshtua nga Partia Demokratike e Kosovës (PDK), Lidhja Demokratike e Kosovës (LDK), Aleanca për Ardhmërinë e Kosovës (AAK) dhe Lista Serbe.
Seanca e radhës për konstituimin e Kuvendit është caktuar për ditën e hënë, në orën 10:00.
