Në 24 orët e fundit në Kosovë është raportuar edhe 1 viktimë nga COVID-19, raporton ISHKP. Gjatë kësaj kohe janë regjistruar edhe 8 raste të reja të infektuara me këtë virus. Kjo është bërë e ditur nga Ministria e Shëndetësisë.
Njoftimi i Ministrisë së Shëndetësisë:
Bashkë ia dalim! 20 Qershor 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 965 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 133.868 doza të vaksinës.
Deri më sot 17.811 qytetarë janë vaksinuar me dozën e dytë. Nga 2.112 testime, 8 qytetarë kanë rezultuar pozitiv me virusin COVID-19.
Gjatë 24 orëve të fundit, është shënuar 1 rast i vdekjes. Sot janë shëruar 9 qytetarë, derisa numri i përgjithshëm i të shëruarve është 105.227. Në total numri i rasteve aktive është 174.
Të dhënat e detajuara mund të i gjeni në linkun:https://datastudio.google.com/…/2e546d77…/page/MT0qB
Mbani maskat! Respektoni distancën! Mbani higjienën!
Ndërsa ditën e djeshme, në Kosovë janë shënuar 16 raste me pozitive me koronavirus. Ministria e Shëndetësisë bën me dije se në 24 orët e fundit janë dhënë 7018 doza të vaksinës kundër Covid-19, ndërsa në total janë vaksinuar deri tani 17 476 qytetarë me të dyja dozat e vaksinës.
Vetëm një qytetar ka humbur betejën me virusin, ndërsa janë shëruar 18 të tjerë. Që prej fillimit të pandemisë numri i përgjithshëm i të shëruarve është 105 218. Numri i rasteve aktive në total është 176. Ministria e Shëndetësisë bën thirrje që të respektohet distanca dhe të mbahet maska mbrojtëse.
